за користење на електронска трговска платформа
Издавач:
Kosh.mk (сопственост на „Адверто билишим ве технолоџи“ ДООЕЛ Скопје) со седиште Методија Шаторов Шарло 1-3/56 во Скопје, Република Северна Македонија, ЕМБС: 7849982, ЕДБ 4032025566878 (во натамошниот текст: „Платформа“ или „Друштвото“),
и
Корисникот (Членот):
физичко и правно лице кое пристапува и се регистрира на веб-страницата www.kosh.mk (во натамошниот текст: „Корисник“),
заеднички именувани како „Договорни страни“.
Член 1 – Предмет на договорот
Со овој Договор се уредуваат условите под кои Корисникот стекнува право на ограничен пристап и користење на Платформата. Сите права кои не се изречно дадени со овој Договор се задржани од Друштвото.
Овој Договор претставува договор за членство и електронско користење на услуга, склучен согласно:
• Законот за облигациони односи (Сл. весник бр. 18/01 и изм.),
• Законот за заштита на потрошувачи (Сл. весник бр. 236/22),
• Законот за електронска трговија (Сл. весник бр. 133/07 и изм.),
• како и сите други релевантни прописи на Република Северна Македонија.
Член 2 – Регистрација и услови за пристап
Членството е доброволно и бесплатено, но Друштвото го задржува дискреционото право да одбие, суспендира или укине било какво членство без обврска да даде образложение. Корисникот потврдува дека е полнолетен (над 18 години) и деловно способeн. Во спротивно, одговорноста за евентуални штети паѓа целосно на лицето што ја овозможило регистрацијата. Друштвото не сноси одговорност за било какви последици произлезени од неточни или лажни податоци доставени од Корисникот.
Член 3 – Права и обврски на Корисникот
Корисникот има неексклузивно, непреносливо и ограничено право на користење на Платформата, исклучиво за лични потреби.
Строго е забрането:
користење на Платформата за комерцијални цели без писмена согласност од Друштвото;
автоматизирано пристапување (ботови, скрипти и сл.);
пренесување или уступување на членската сметка на трети лица.
Корисникот прифаќа дека секоја злоупотреба ќе резултира со непосредно укинување на членството и барање за надомест на целокупна штета, вклучувајќи индиректна и пропуштена добивка.
Член 4 – Права и обврски на Друштвото
Друштвото има право еднострано да врши измени на содржината, условите, техничката структура и ценовната политика на Платформата. Друштвото не гарантира непречена достапност на Платформата и не одговара за прекини предизвикани од технички проблеми, виша сила или активности на трети лица.Друштвото нема обврска за верификација на точноста на податоците доставени од Корисниците и не презема одговорност за таквите содржини.
Член 5 – Интелектуална сопственост
Сите авторски права, трговски марки, логоа, софтвер и база на податоци поврзани со Платформата се исклучива сопственост на Друштвото. Корисникот нема право на репродукција, модификација, дистрибуција или комерцијална употреба без изрична писмена дозвола.Повредата на правата на интелектуална сопственост ќе резултира со граѓанска и кривична одговорност согласно македонското право.
Член 6 – Заштита на лични податоци
Друштвото ги обработува личните податоци согласно Законот за заштита на лични податоци (Сл. весник бр. 42/20) и усвоените интерни политики.Личните податоци можат да се чуваат и обработуваат и по престанок на договорниот однос, во роковите пропишани со закон (даночни, сметководствени и сл.).Друштвото има право да ги користи податоците за заштита од измами, водење евиденции и законски обврски, без дополнителна согласност.
Член 7 – Рекламации и права на потрошувач
Постапката за рекламации е јавно достапна на веб-страницата на Друштвото и друштвото задржува право да одбие рекламација доколку производот е оштетен по вина на Корисникот или е користен спротивно на упатствата.Поврат на средства или замена се врши исклучиво во согласност со условите предвидени со Законот за заштита на потрошувачи.
Член 8 – Одговорност
Друштвото не сноси никаква одговорност за:
загуба на податоци или штета предизвикана од технички дефекти надвор од негова контрола;
содржини и постапки на трети лица;
било какви индиректни или последични штети.
Вкупната одговорност на Друштвото, без оглед на основот, е ограничена до износот што Корисникот го платил за конкретната услуга или производ.
Член 9 – Раскинување на договорот
Друштвото може во секое време еднострано да го раскине Договорот без претходно известување, во случај на прекршување на условите или сомнеж за злоупотреба. Престанокот на договорот не го ослободува Корисникот од одговорност за настапени штети и не влијае врз правата на Друштвото за наплата на побарувања.
Член 10 – Измени на договорот
Друштвото има право во секое време да врши измени и дополнувања на овој Договор. Измените се сметаат за прифатени ако Корисникот продолжи да ја користи Платформата по нивното објавување.
Член 11 – Применливо право и надлежност
На овој Договор се применува исклучиво правото на Република Северна Македонија. За сите спорови е надлежен Основниот граѓански суд Скопје, со исклучување на надлежноста на било кој друг суд, освен ако со императивна законска норма не е определено поинаку.
Член 12 – Завршни одредби
Ако било која одредба од овој Договор стане неважечка, тоа нема да влијае на важноста на останатите одредби.Овој Договор претставува целосен договор меѓу страните и ги заменува сите претходни договори и договорености во врска со неговата содржина.Прифаќањето на Договорот од страна на Корисникот претставува изјава дека истиот е целосно разбран и прифатен без приговор. Kosh.mk (сопственост на „Адверто билишим ве технолоџи“ ДООЕЛ Скопје) има право да го ажурираа договорот и да го објави во веп страницата без известување и договорот влегува во сила по објавување на страницата.